ԻՇԻՊ-ը ահաբեկչական գործողություն է նախատեսում Թուրքիայում. Milliyet

Թուրքիայի Ազգային մեծ ժողովի կողմից ընդունված որոշումից հետո, ըստ որի` թուրք զինվորներն իրավունք ունեցան ռազմական գործողություններ իրականացնելու Սիրիայի և Իրաքի տարածքում՝ թիրախում ունենալով ԻՇԻՊ-ի զինյալներին, ԻՇԻՊ-ն անցել է գործի:

Ըստ Milliyet-ի՝ տեղեկություն է տարածվել, թե «Իսլամական պետություն» ահաբեկչական խմբավորումը մտադիր է վրեժխնդրության ծրագիր իրագործել Թուրքիայում, այդ իսկ պատճառով պատրաստվում է ահաբեկչական գործողություններ իրականացնել: Անվտանգության ուժերը նախազգուշացրել են, որ երկրի մեծ քաղաքներում ականապատ ավտոմեքենաներ կարող են պայթեցվել և հայտնել, որ այդ ուղղությամբ անվտանգության ուժերն արտակարգ իրավիճակում են գործում:

Սահմանի վերահսկողությունն ուժեղացվել է: