ԵԽԽՎ-ում հայկական պատվիրակության անդամներին վտարե՞լ են նստաշրջանից

Ադրբեջանական haqqin.az կայքը գրել է, թե ԵԽԽՎ-ում հայ պատվիրակության անդամներին վտարել են կառույցի նստաշրջանից:

Ըստ ադրբեջանական աղբյուրի՝ հայ պատվիրակները դեմ են եղել «Լարվածության սրումը Լեռնային Ղարաբաղում և Ադրբեջանի այլ օկուպացված տարածքներում» վերնագրով զեկույցին: Նրանք աղմուկ են բարձրացրել, արդյունքում` նրանց խոսափողն անջատվել է, և պատվիրակներին դուրս են հրավիրել դահլիճից:

Yerkir.am-ը փորձեց տեղի ունեցածի վերաբերյալ տեղեկություններ ստանալ հայկական պատվիրակության անդամներից, սակայն նրանք հրաժարվեցին մեկնաբանել: ԱԺ ՀՀԿ խմբակցության պատգամավոր, պատվիրակության անդամ Արփինե Հովհաննիսյանը նշեց, որ չի մեկնաբանում:

Պատվիրակության անդամ, ԱԺ ԲՀԿ խմբակցության քարտուղար Նաիրա  Զոհրաբյանը նույնպես սկզբունքորեն հրաժարվեց  տեղի ունեցածի վերաբերյալ մեկնաբանություն տալ: