Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 6 տարի առաջ - 2018-02-24 20:37
Տնտեսական

«WCIT-2019»-ի` Հայաստանում անցկացնելու էստաֆետը հանդիսավոր հանձնվեց հայկական պատվիրակության անդամներին

«WCIT-2019»-ի` Հայաստանում անցկացնելու էստաֆետը հանդիսավոր հանձնվեց հայկական պատվիրակության անդամներին

Հնդկաստանում կայացած ՏՏ համաշխարհային համաժողովի` «WCIT 2018»-ին մասնակցած հայկական պատվիրակությունը վերադարձել է Հայաստան։ Փետրվարի 24-ին հրավիրված մամուլի ասուլիսի ընթացքում համաժողովի մասնակցության արդյունքներն ու ձեռքբերումներն են ամփոփել պատվիրակության ներկայացուցիչները` ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Արման Խաչատրյանը, Ինֆորմացիոն տեխնոլոգիաների ձեռնարկությունների միության նախագահ Ալեքսանդր Եսայանը, ԻՏՁՄ գործադիր տնօրեն Կարեն Վարդանյանն ու «Ինսթիգեյթ» ընկերության տնօրեն Արման Պողոսյանը։

 Բանախոսները միակարծիք էին, որ հայկական պատվիրակության համար կոնգրեսը շատ արդյունավետ է անցել։ Բազմաթիվ գործարար հանդիպումներ են կայացել, Հայաստանը հնարավորություն է ունեցել ներկայացնելու իր ՏՏ ոլորտը համաշխարհային խոշոր ընկերությունների լիդերներին ու զարգացած տնտեսություն ունեցող երկրների կառավարության ներկայացուցիչներին։
 
Գլխավոր իրադարձությունն այն է, որ հենց այս կոնգրեսի ընթացքում «WCIT-2019»-ի` Հայաստանում անցկացնելու էստաֆետը հանդիսավոր հանձնվեց մեր պատվիրակության անդամներին։
 
Նախարարի տեղակալ Արման Խաչատրյանի խոսքով` կոնգրեսի անցկացումը չափազանց կարևոր է մեր երկրի` որպես տեխնոլոգիական երկրի ճանաչողությունը բարձրացնելու և գործարար նոր կապեր հաստատելու և ամրապնդելու համար։ 
 
«Հայաստանը ոչ միայն ստեղծում, այլև արտահանում է գիտելիք։ Դրա ապացույցն այն է, որ Արմաթ լաբորատորիաներ շուտով կներդրվեն Հնդկաստանի դպրոցներում ևս։ Եվ սա դեռ միայն սկիզբն է»,- ասաց Արման Խաչատրյանը։ 
 
Նա նաև նշեց, որ կոնգրես մեր հնարավորությունները ցույց տալու հիանալի հարթակ է, քանի որ բազմիցս է նշվել, որ Հայաստանը կարող է ապահովել հասանելիություն և լավագույն տնտեսական պայմաններով կապող օղակ հանդիսանալ դեպի իրանական ու Եվրասիական շուկաներ։
 
Արման Խաչատրյանը նաև նախարարության անունից պատրաստակամություն հայտնեց սպասվելիք կոնգրեսի կազմակերպչական աշխատանքները բարձր մակարդակով իրականացնելու համար անել առավելագույնը։ 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը