Արարատ լեռը մշուշոտ էր երևում, հիմա դուք եկաք, ու արևը բացվեց. ԲՀԿ-ական

Արարատում հրավիրված ոչ իշխանական երեք ուժերի իրազեկման հանրահավաքում ԱԺ ԲՀԿ խմբակցության պատգամավոր Վահան Բաբայանը ելույթը սկսեց այսպես. «Արարատ լեռը մշուշոտ էր երևում, հիմա դուք եկաք, ու արևը բացվեց»:

Նա անդրադարձավ Հայաստանի արտաքին պարտքին` ասելով, որ Հայաստանն ունի 5 միլիարդ դոլար արտաքին պարտք, որը ժառանգում է ամեն ծնված երեխա: Բաբայանի խոսքով` Հայաստանը դառնում է հետամնաց երկիր, որից հեռանում են, Հայաստանում ներդրումներ չեն անում, և դրանում մեղավոր է քաղաքական մեծամասնությունը, նաև` որ ինչ օրենք ընդունում են, ժողովուրդը բողոքում է այդ օրենքներից:

«Շատերը վախենում են գալ հանրահավաքներին, բայց վախենալով երկիրը չես փոխի»,- ասաց Վահան Բաբայանը` հավելելով, որ հանրահավաքների ալիքը մեծ թափ է ստանում, և որ իրենք հաղթելու են` ապահովելով բարգավաճ պետություն: