«Իսլամական պետության» գրոհայինների ռմբակոծման ժամանակ սպանվել են 25 թուրքե՞ր

Ստամբուլի Գալաթասարայ հրապարակում միությունների և հիմնադրամների մի խումբ անդամներ բողոքի ցույց են արել ընդդեմ ԱՄՆ-ի կողմից «Իսլամական պետության» գրոհայինների ռմբակոծման:

Ըստ Taraf-ի՝ հավաքվածները պնդել են, որ ԱՄՆ-ի ռմբակոծությունների ժամանակ սպանվել են նաև Թուրքիայի 25 քաղաքացիներ, ովքեր օգնության են մեկնել Սիրիա՝ «Իսլամական պետության» դեմ պայքարելու: Ցուցարարները պաստառներ են պարզել «ISIS-ը պատրվակ է, թիրախը Սիրիայի բնակչությունն ու հեղափոխությունն է» գրությամբ:

Հիշեցնենք, որ երեկ Ամերիկայի Միացյալ Նահանգներն ու նրա դաշնակից արաբական մի քանի պետություններ սկսել են ռմբակոծել Սիրիայում «Իրաքի և Լևանտի իսլամական պետություն» խմբավորման դիրքերը: