Ավտովթար` Կոտայքի մարզում. «Օպել»-ի վարորդը հիվանդանոց է տեղափոխվել

Սեպտեմբերի 16-ին` ժամը 01.14-ին, տեղեկատվություն է ստացվել, որ Մ-4 միջպետական ավտոճանապարհի Երևան-Սևան հատվածում (12-րդ կմ) տեղի է ունեցել ՃՏՊ, անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:

Պարզվել է, որ դեռևս չբացահայտված հանգամանքներում բախվել են «Օպել» մակնիշի 34 VN 768 պ/հ-ի (վարորդ՝ Պ. Մ.-ն (ծնվ. 1988թ)) և «Ֆոլքսվագեն» մակնիշի 36 SL 333 պ/հ-ի (վարորդ՝ Ա. Ս.-ն (ծնվ. 1994թ.)) ավտոմեքենաները: Պ. Մ.-ն տեղափոխվել է Աբովյան քաղաքի ԲԿ:

Բժիշկները տուժածի առողջական վիճակը գնահատել են բավարար:

Հրշեջ-փրկարարները հոսանքազրկել են ավտոմեքենաները և դադարեցրել գազի արտահոսքը: