ԼՂՀ այցելած ավստրիացի լրագրողին թույլ չեն տվել մտնել Բաքու

Ավստրիացի լրագրող Յուտա Բաուերին, ով ուղեկցում է Ավստրիայի ԱԳՆ ղեկավար Սեբաստիան Կուրցին Հարավային Կովկաս այցի շրջանակում, Ադրբեջանի վիզա չեն տրամադրել. հայտնում  է haqqin.az-ը:

Die Presse պարբերականի լրագրողը կարողացել է ստանալ միայն Հայաստանի և Վրաստանի վիզա: Ադրբեջանի դեսպանատունը հրաժարվել է վիզա տրամադրել:

Ադրբեջանական կողմն իր քայլը բացատրել է նրանով, որ լրագրողը գտնվում է Ադրբեջանի ԱԳՆ-ի «սև ցուցակում»՝ «օկուպացված տարածքներ այցի համար»: Բաուերի գործընկերները դեսպանատան մերժումը կապում են նաև նրա հետ, որ լրագրողը զայրացրել է ադրբեջանական իշխանություններին Ադրբեջանի վերաբերյալ իր քննադատությամբ:

Ինքը` լրագրողը, չի թաքցնում այն փաստը, որ 2011-ին այցելել է Հայաստան, որտեղից ուղևորվել է Լեռնային Ղարաբաղ: Ավստրիական ԶԼՄ-ներում կարելի է նաև գտնել նրա ռեպորտաժն այդ այցի մասին: