Թ. Ալթունյանի անվան երգի-պարի համույթը մասնակցել է «Խաղաղության տարածք» փառատոնին

Օրերս Թաթուլ Ալթունյանի անվան Հայաստանի երգի-պարի պետական համույթը մեկնել էր շրջագայության` մասնակցելու «Խաղաղության տարածք» 3-րդ միջազգային փառատոնին:

Մասնակիցների թվում են եղել նաեւ ՌԴ Ի. Մոիսեևի անվան պետական ակադեմիական համույթը, ինչպես նաև Ուֆայի պարի պետական ակադեմիական, Սևծովյան նավատորմի երգի-պարի, «Ռուսաստանի Կոզակներ» պարի պետական և մի շարք այլ համույթներ Իսպանիայից, Ճապոնիայից ու բազմաթիվ մենակատարներ:

Փառատոնի բացման արարողության պատիվն ընձեռվել է Ի. Մոիսեևի անվան պետական ակադեմիական համույթին, իսկ եզրափակման պատվավոր ելույթը` Թ. Ալթունյանի անվան երգի-պարի պետական համույթին, որն արժանացել է Կալինինգրադի մարզի նախարարի բարձր գնահատանքին, ինչպես նաև Կալինինգրադի մարզի նահանգապետի շնորհակալական նամակին` ուղղված ՀՀ մշակույթի նախարարին: