Մենք գերիների հետ նման կերպ չենք վարվում` անզենին սպանելը թույլի հոգեբանություն է

Կարեն Պետրոսյանին սպանելով` Ադրբեջանը հերթական անգամ ցույց տվեց իր վայրագությունը. լրագրողների հետ հանդիպման ժամանակ նման կարծիք հայտնեց Մոնթեի մարտական ընկեր, Արցախյան պատերազմի մասնակից Մարտիրոս Ժամկոչյանը:

Նա նշեց նաև, որ պետք չէ մոռանալ նաև, թե ինչպես Ադրբեջանը կացնահարեց մեր քնած սպային, իսկ այսօր էլ սպանում է անզեն մարդուն:

«Ծեծված խոսք է, բայց շատ տեղին` թուրքը մնում է թուրք: Թուրքն իր ինքնությունը, վայրագությւոնը միշտ էլ այս կերպ է ցույց տվել` կապ չունի, կրոնական, ազգային կամ մեկ այլ խնդրի հետ կապված: Հայը երբեք նման բան չի անի` մենք այսօր էլ երկու ադրբեջանցի գերի ունենք, չէ՞ »,-ասաց Ժամկոչյանը:

Նա հիշեց` Արցախյան պատերազմի օրերին, երբ իրենք կանչում էին հակառակորդին, որ զոհված զինվորների դիակները գան-տանեն, ադրբեջանցիներն ասում էին, թե` «դուք թաղեք նրանց` դուք լավ եք թաղում անում»: Այսինքն` Ժամկոչյանի կարծիքով` էլ ինչի մասին կարող է խոսք գնալ, երբ մարդ անգամ իր հայրենակցի հանդեպ է այդկերպ վերաբերվում: