Հրաչյա Հարությունյանի փաստաբանը կանացի խալաթի համար դատի է տվել քննիչին

Պոդոլսկում վթարի պատճառ դարձած «ԿամԱԶ»-ի վարորդ Հրաչյա Հարությունյանի փաստաբան Ռուբեն Մարգարյանը հայց է ներկայացրել քննիչի դեմ Հարությունյանին կանացի խալաթով դատարան բերելու համար. հայտնում է Life News-ը:

«Մեղադրյալին դատարան են տեղափոխել կանացի խալաթով ու ծովափնյա հողաթափերով: Դա, իմ կարծքով, կալանավորներին պահելու մասին օրենքի խախտում է»,- Life News-ին է ասել Ռուբեն Մարգարյանը:

Նա նշել է, որ Հարությունյանը հետաքննությանը խնդրել է կապ հաստատել իր հարազատների հետ, նաեւ իր համար հագուստ բերել, սակայն այն խնդրանքը չի կատարվել:

Մարգարյանը հույս ունի, որ դատարանը վերջակետ կդնի խալաթի հետ կապված պատմությունում:

Հիշեցնենք, որ հուլիսի 13-ին Մերձմոսկվայում Հրաչյա Հարությունյանի վարած բեռնատարը բախվել էր ուղեւորատար ավտոբուսին, ինչի արդյունքում զոհվել էր 18 մարդ: Հարությունյանը հրաշքով էր փրկվել: