ՌԴ-ն ԱՄՆ պետդեպարտամենտի ներկայացուցիչ Ջեն Փսակիին խորհուրդ է տվել ատլաս օգտագործել

Ռուսաստանի ՊՆ-ն մտահոգված է ԱՄՆ պետդեպարտամենտի ներկայացուցիչ Ջեն Փսակիի մոտ «աշխարհագրական հիմնարար գիտելիքների բացակայությամբ» և խորհուրդ է տվել հայտարարությունների պատրաստման ժամանակ ատլաս օգտագործել. հայտնում է ИТАР-ТАСС-ը:

Ռուսական կողմն արել  է այդ հայտարարությունն այն բանից հետո, երբ ԱՄՆ-ն մտահոգություն է հայտնել «ուկրաինական սահմանի մոտ» Ռուսաստանի ռազմաօդային ուժերի զորավարժությունների առնչությամբ:

«Աստրախանի շրջանում գտնվող Աշուլուկի պոլիգոնը գտնվում է ռուս-ուկրաինական սահմանից մոտ 1 000 կիլոմետր հեռավորության վրա»,- հիշեցրել է պաշտպանության նախարարության պաշտոնական ներկայացուցիչը: