Դամե Դիոպը և Լի Լամին Յորոն հեռացել են «Շիրակ»-ից

Ինչպես տեղեկացնում է Գյումրիի  «Շիրակ»-ի պաշտոնական կայքը, թիմից հեռացել են սենեգալցի 2 ֆուտբոլիստներ Լի Լամին Յորոն և Դամե Դիոպը:

25-ամյա կիսապաշտպան  Լի Լամին Յորոն  տեղափոխվել է Պորտուգալիայի Պրեմիեր լիգայում հանդես եկող «Բոավիշտա» ակումբը: 

 Պորտուգալական ակումբի հետ Յորոյի պայմանգիրը նապատեսված է 3 մրցաշրջանի համար: 

 Հիշեցնենք, որ Յորոն «Շիրակ»-ում հանդես էր գալիս 2011թ., 2013թ. ամռանը Յորոն տեղափոխվեց Իսրայելական «Բնեյ Յեհուդա», իսկ վեց ամիս անց կրկին վերադարձավ «Շիրակ»:

Սենեգալի Մ23տ հավաքականի հարձակվողական ոճի կիսապաշտպան Դամե Դիոպը կարիերան կշարունակի Չեխական «Սլավիա»-ում: 

 21-ամյա սենեգալցու հետ «Շիրակ»-ը  հուլիսի 31-ին երկկողմանի համաձայնությամբ խզել է պայմանգիրը: 

 Չեխիայի բարձրագույն խմբում հանդես եկող «Սլավիա»-ի հետ Դամե Դիոպի պայմանագիրը նախատեսված է մինչև 2016թ.