15,4 միլիոն դրամ` «Շախմատը կրթական համակարգում» գիտաժողովը կազմակերպելու համար

Կառավարությունը վաղվա նիստի ժամանակ 15 միլիոն 400 հազար դրամ կտրամադրի «Հայաստանի շախմատի ակադեմիա» հիմնադրամին` «Շախմատը կրթական համակարգում» գիտաժողովի գործընթացը բնականոն կազմակերպելու նպատակով:

Այդ գումարը 2014 թվականի պետական բյուջեով նախատեսված կառավարության պահուստային ֆոնդի հաշվին կտրամադրվի կրթության և գիտության նախարարությանը` 2014 թվականի ինն ամսվա ընթացքում «Հայաստանի շախմատի ակադեմիա» հիմնադրամին տրամադրելու համար: Այս որոշման ընդունման արդյունքում կառավարությունն ակնկալում է «Շախմատը կրթական համակարգում» գիտաժողովի գործընթացը պատշաճ մակարդակով կազմակերպելու հնարավորություն ստեղծել: