Հակառակորդի գնդակից վիրավորված 12-ամյա տղային վիրահատել են

Հունիսի 28-ին Տավուշի մարզի Պառավաքար գյուղում հակառակորդի արձակած գնդակից վիրավորվել է 12-ամյա Արմեն Բրուտյանը: Գնդակները դիպել էին Արմեն Բրուտյանի ձեռքին ու ոտքին:

Այսօր արդեն նա վիրահատվել է, մարմնից հաջողությամբ հանվել են գնդակի բեկորները: Այդ մասին yerkir.am-ի հետ զրույցում ասաց Բերդի զինվորական հոսպիտալի պետ Է.Գրիգորյանը: Նա նշեց, որ վիրահատությունը լավ է անցել, երեխայի վիճակը լավ է:

Պառավաքարի  գյուղապետ Ռոլանդ Մարգարյանն էլ նշեց, որ Արմեն Բրուտյանն իրենց այգում է եղել, երբ կրակել են: Գյուղապետը նշեց, որ Արմենի ընտանիքում ոչ ոք չի աշխատում, իսկ հայրը Արցախյան պատերազմի մասնակից է ու վիրավորվել է կռվի ժամանակ: