Քաղաքապետարանի տարօրինակ պատասխանը

Արշակունյաց փողոցի 135/19 շենքի բնակիչները 4 տարի է` անորոշության ու լարված մթնոլորտում են ապրում: Նրանց շենքը գտնվում է գերակա հանրային շահ ճանաչված տարածքում ու ենթակա է օտարման հասարակության ու պետության կարիքների համար, բայց այդ ուղղությամբ, մինչ օրս որեւէ քայլ չի արվել քաղաքապետարանի կողմից: Այդ մասին արդեն տեղեկացրել ենք:

2010 թվականից բնակիչները սկսել են քաղաքապետարանից ու համապատասխան ԾԻԳ-ից նամակներ ստանալ, որ իրենց շենքը ճանաչվել է հանրային գերակա շահ, եւ իրենց բնակարանները ենթակա են օտարման:

Տարբեր պատկան մարմինների ներկայացուցիչներ էին այցելել շենքի բնակիչներին, կատարել չափագրման, հաշվառման աշխատանքներ, քաղաքապետարանի միջոցով հոգեբաններ էին այցելել բնակիչներին, որպեսզի նրանց հոգեբանորեն պատրաստեն իրողության հետ, որ նրանց բնակարանները պետք է օտարվեն հանուն պետության ու հասարակության կարիքների, եւ նրանք պետք է տեղափոխվեն այլ բնակարաններ, պատվիրել էին, որ չափագրում ու հաշվառում կատարելուց հետո բնակիչները ոչ մի լրացուցիչ աշխատանք չկատարեն տներում, քնաի որ դրա համար ոչ ոք նրանց փոխհատուցում չէր տալու, եւ այլն:

Մի խոսքով' շենքի բոլոր 8 բնակարանների բնակիչներին էլ նույն բանն էին ասել, նույն բովանդակությամբ նամակներ ուղարկել, եւ ամենակարեւորը` ոչ ոքի չեն տեղեկացրել, թե օտարման ենթակա ճանաչվելուց 4 տարի անց ինչ է լինելու իրենց բնակարանների հետ:

Այդ կապակցությամբ մենք տարբեր հարցադիմումներ էինք ուղարկել տարբեր մարմիններ, սակայն հաջողվել պարզել, թե ինչ գործընթաց է իրականացվում` այդ հասցեում գտնվող շենքի հետ կապված: Միայն բնակիչներին ուղարկված նամակներին կից փաստաթղթերից, մասնավորապես` հանրային խորհրդատվության տեղեկատվական ձեռնարկի վերնագրից կարող էինք ենթադրել, որ խոսքը «Քաղաքային կայուն զարգացման ծրագրի» մասին է, որն իրականացվում է Երեւանի քաղաքապետարանի կողմից: Ուստի հունիսի 19-ին լրացուցիչ հարցում ուղարկեցինք Երևանքի քաղաքապետարանի տեղեկատվության եւ հասարակայնության հետ կապերի վարչության պետի անունուվ, որով, մասնավորապես, երեք հարցի պատասխան էինք փորձում պարզել` «1. Երևան քաղաքի Արշակունյաց 135/19 շենքը դեռ ենթակա՞ է օտարման հասարակության և պետության կարիքների համար, թե՞ ոչ: 2. Եթե` ոչ, ապա ինչո՞ւ բնակիչները մինչ օրս համապատասխան ծանուցում չեն ստացել: 3. Եթե ենթակա է օտարման, ապա ե՞րբ պետք է այն օտարվի, ի՞նչ պայմաններով»:

Ուշագրավ էր քաղաքապետարանից ստացված պատասխանը, թեեւ, իհարկե, հասկանում ենք, որ մեզ պատասխանած' Երեւանի քաղաքապետարանի տեղեկատվության ու հասարակայնության հետ կապերի վարչությունը պատասխանի բովանդակության համար այնքան էլ մեղավոր չէ` համապատասխան ստորաբաժանումներն են այս կերպ պատասխանել, նրանք էլ մեզ են ուղարկել այդ պատասխանը:

 

«Ի պատասխան Երևանի քաղաքապետարանին ուղղված ձեր հարցման՝ տեղեկացնում ենք, որ Քաղաքային կայուն զարգացման ներդրումային ծրագրի շրջանակում ՀՀ կառավարության 2011 թվականի մայիսի 26-ի «Երևան քաղաքի և Հայաստանի Հանրապետության Արարատի մարզի Արգավանդ գյուղական համայնքի վարչական սահմաններում գտնվող որոշ տարածքներում բացառիկ' գերակա հանրային շահ ճանաչելու մասին» N 990-Ն, ինչպես նաև 2013 թվականի նոյեմբերի 14-ի «Երևան քաղաքի և Հայաստանի Հանրապետության Արարատի մարզի Արգավանդ գյուղական համայնքի վարչական սահմաններում գտնվող որոշ տարածքներում բացառիկ' գերեկա հանրային շահ ճանաչելու և Հայաստանի Հանրապետության կառավարության 2011 թվականի մայիսի 26-ի N 990-Ն որոշման մեջ փոփոխություններ կատարելու մասին» N1256-Ն  որոշումներով հաստատված ցանկերում Արշակունյաց 135/19 հասցեն ներառված չէ»:

 

Այսպիսի պատասխանն, իհարկե, տարօրինակ է, քանի որ քաղաքացիները 4 տարի շարունակ նամակներ են ստացել, որ իրենց բնակարանների նկատմամբ ճանաչվել է հանրային գերակա շահ ու դրանք ենթակա են օտարման` հանուն հասարակության եւ պետության կարիքների: Օրինակ` այս ծանուցում-նամակը, որ ստացել է բնակիչներից մեկը.