Վանի այցելուների թիվն աննախադեպ կերպով աճել է

Հոդվածը՝ akunq.net-ի

Անցյալի հետքերը կրող Վանի պատմական վայրերում ամեն տարի հյուրընկալվում են տասնյակ հազարավոր մարդիկ։ Վանի ամրոցը, Աղթամար կղզին, Վանի թանգարանը, Խոշաբ ամրոցը գրավում են քաղաք եկող զբոսաշրջիկների ուշադրությունը և էապես նպաստում տարածաշրջանի տնտեսությանը: Վանի նահանգային մշակույթի և զբոսաշրջության տնօրինությունից ստացած տվյալների համաձայն՝ այս տարվա առաջին 7 ամիսներին Վանի ամրոց, Աղթամարի եկեղեցի և Վանի թանգարան է այցելել 185 հազար 659 մարդ։

Վանն այն քաղաքներից մեկն է, որը վերջին տարիներին ուշադրություն է գրավել ոչ միայն իր բնական գեղեցկությամբ, այլև իր պատմամշակութային հարստությամբ։ Այն շարունակում է ավելացնել այցելուների ու զբոսաշրջիկների թիվը։ Թեև զբոսաշրջության մասով գլխավոր պլան կամ ծրագիր չկա, Վանի կարևոր տարածքները մշակութային շրջագայություններում ներքին, իսկ գնումների և ժամանցի մեջ՝ իրանցի զբոսաշրջիկների սիրելին են: Այս տարի, ինչպես ամեն տարի, Վանի եզակի պատմական վայրերը գրավեցին ինչպես տեղացի, այնպես էլ օտարերկրյա զբոսաշրջիկների ուշադրությունը, մինչդեռ այնպիսի կարևոր վայրեր, ինչպիսիք են Աղթամար կղզին, Վանի ամրոցը, Վանի թանգարանը և Խոշաբի ամրոցը, գրավեցին տասնյակ հազարավոր զբոսաշրջիկների ուշադրությունը՝ ապահովելով զբոսաշրջային հոսք դեպի քաղաք։ Վանի նահանգային մշակույթի և զբոսաշրջության վարչությունից ստացած տվյալների համաձայն՝ այս տարվա առաջին 7 ամիսներին Վանի ամրոց, Աղթամարի եկեղեցի և Վանի թանգարան է այցելել 185 հազար 659 մարդ։ Մինչ այցելուների հոսքը շարունակվում է, Վանի նահանգի մշակույթի և զբոսաշրջության նախկին տնօրեն Իզզեթ Քյություքօղլուն, խոսելով Շեհիրվանի հետ այդ թեմայով, հայտարարեց, որ Վանի պատմամշակութային ժառանգությունը մեծ ներուժ է առաջարկում զբոսաշրջության առումով, և որ քաղաքը չպետք է սահմանափակվի միայն ներքին զբոսաշրջիկներով:
 

Զբոսաշրջիկների հոսք Աղթամար կղզի և եկեղեցի

Աղթամար կղզին, որը գտնվում է Վանա լճի մեջտեղում, ամեն տարի հյուրընկալում է տասնյակ հազարավոր զբոսաշրջիկների իր յուրահատուկ բնությամբ և պատմական Աղթամար եկեղեցով։ Կղզու շրջակայքի կանաչ տարածքները և լճի տեսարանը դրախտ են հիշեցնում լուսանկարչության սիրահարների համար: Մինչ Աղթամար եկեղեցին առանձնանում է որպես վաղ հայկական ճարտարապետության նմուշներից մեկը, կղզի փոխադրման հեշտությունը տարածաշրջան այցելությունն ավելի գրավիչ է դարձրել: Վանի նահանգային մշակույթի և զբոսաշրջության տնօրինության տվյալների համաձայն՝ այս տարվա առաջին 7 ամիսներին Աղթամար կղզի և եկեղեցի է այցելել 92 հազար 507 մարդ՝ 59 հազար 935-ը՝ վճարովի, 32 հազար 572-ը՝ անվճար։

Քանի՞ մարդ է այցելել քաղաքի խորհրդանիշ Վանի ամրոց

Վանի ամրոցը, որը Վանի խորհրդանիշներից մեկն է, պարտադիր վայր է քաղաք այցելած զբոսաշրջիկների համար: Այս ամրոցը, որը թվագրվում է ուրարտական ​​ժամանակաշրջանից, իր հազարամյա պատմությամբ Վանի պատմական նշանավոր կառույցներից է։ Վանա լճի ափին գտնվող և Վանի բարձր բլուրներից մեկի վրա կառուցված Վանի ամրոցն իր այցելուների առաջ բացում է յուրահատուկ տեսարան։ Այս տարի Վանի ամրոց այցելած զբոսաշրջիկների թիվը, նախորդ տարիների համեմատ, զգալի աճ է գրանցել։ Վանի նահանգային մշակույթի և զբոսաշրջության տնօրինության տվյալների համաձայն՝ այս տարվա առաջին 7 ամիսներին Վանի ամրոց վճարովի այցելուների թիվը կազմել է 8 հազար 570, անվճար այցելուների թիվը՝ 29 հազար 140, իսկ ընդհանուր. այցելուների թիվը՝ 37 հազար 710 հոգի։

Այցելուների հոսք դեպի Վանի թանգարան, որ լույս է սփռում տարածաշրջանի անցյալի վրա…

Նրանց համար, ովքեր ցանկանում են ավելի խորը ուսումնասիրել Վանի պատմությունը՝ Վանի թանգարանը առանձնանում է որպես մեկ այլ կարևոր կետ, որը գրավում է քաղաք այցելած զբոսաշրջիկների ուշադրությունը: Թանգարանն ունի հատվածներ, որտեղ ցուցադրված են ուրարտական ​​ժամանակաշրջանի քարե իրեր, ժայռային արձանագրություններ, օսմանյան ժամանակաշրջանի իրեր և տեղի բնակչության մշակութային անցյալին առնչվող բազմաթիվ առարկաներ։ Վանի թանգարանը շարունակում է մնալ կարևոր այցելության վայր, հատկապես պատմության սիրահարների և մշակութային ժառանգությամբ հետաքրքրվող զբոսաշրջիկների համար: Տարեցտարի ավելանում է Վանի թանգարանի այցելուների թիվը, որը լույս է սփռում տարածաշրջանի հարուստ անցյալի վրա։ Վանի նահանգային մշակույթի և զբոսաշրջության տնօրինության տվյալների համաձայն՝ այս տարվա առաջին 7 ամիսներին Վանի թանգարանի վճարովի այցելուների թիվը կազմել է 5 հազար 843, անվճար այցելուների թիվը՝ 49 հազար 599, իսկ ընդհանուր թիվը՝ 55 հազար 442:
 

Տնօրեն Քյութուքօղլու. Վանն իր մշակութային ժառանգությամբ արագ դառնում է տարածաշրջանային զբոսաշրջության փայլող աստղ

Թուրքական «Շեհրիվան» լրատվամիջոցի թղթակցի հետ զրուցած Վան նահանգի մշակույթի և զբոսաշրջության նախկին տնօրեն Իզզեթ Քյութուքօղլուն հայտարարել է, որ քաղաքը զբոսաշրջության մեջ փայլող աստղ է և հավելել. «Վանն արագորեն դառնում է տարածաշրջանային զբոսաշրջության փայլուն աստղ՝ իր պատմական շենքերով, ամրոցներով, եկեղեցիներով և այլ մշակութային ժառանգությամբ։ Վանի պատմական վայրերն ավելին են, քան պարզապես արվեստի գործեր․ դրանցից յուրաքանչյուրը քաղաքին այլ փայլ է հաղորդում: Մենք դա հասկանում ենք Վանի այցելուների ռեկորդը գերազանցելուց: Ինչպես նախորդ տարիներին, այս տարի էլ Վանի պատմական վայրերի նկատմամբ հետաքրքրությունը զգալիորեն աճել է։ Սա հաճելի է ինչպես քաղաքի, այնպես էլ մարզային զբոսաշրջության համար»-ասաց նա։

Տասնյակ հազարավոր մարդիկ ծանոթանում են Վանի պատմությանը

Մեկնաբանելով Վանի պատմական վայրերի այցելության ռեկորդները՝ Քյութուքօղլուն նշել է. «Վանի պատմամշակութային ժառանգությունը զբոսաշրջության առումով մեծ ներուժ ունի։ Սա արտացոլված է նաև տվյալների մեջ։ Վանի նահանգային մշակույթի և զբոսաշրջության տնօրինության տվյալների համաձայն՝ այս տարվա առաջին 7 ամիսներին Վանի ամրոց, Աղթամար եկեղեցի և Վանի ամրոց է այցելել 185 հազար 659 մարդ։ Աղթամար կղզին, Վանի ամրոցը և Վանի թանգարանը գրավում են ինչպես տեղացի, այնպես էլ օտարերկրյա զբոսաշրջիկների ուշադրությունը: Սակայն, որպեսզի այս ներուժն էլ ավելի մեծանա, մենք պետք է ավելի շատ կենտրոնանանք ենթակառուցվածքային ներդրումների և խթանող գործունեության վրա»։

«Վանի պատմական վայրերը պետք է պահպանվեն և գովազդվեն»

Քյութուքօղլուն ընդգծել է, որ Վանի պատմական վայրերը պահպանելուն և գովազդելուն ուղղված ջանքերը պետք է արագացվեն և հավելել. «Վանը հարուստ մշակութային ժառանգություն ունի, սակայն այս մշակութային ժառանգությունը պետք է ավելի շատ մարդկանց հասու դառնա։ Այս հարցում պետք է ավելի շատ համագործակցեն թե՛ տեղական ինքնակառավարման մարմինները, թե՛ հասարակական կազմակերպությունները։ Մենք պետք է ավելի շատ զբոսաշրջիկներ ներգրավենք՝ միջազգային հարթակում Վանի պատմական հարստությունները գովազդելով։ Վանի պատմական վայրերը պետք է պաշտպանված լինեն. Ինչպես գիտեք, մեր քաղաքում բազմաթիվ պատմական վայրեր կան, որոնք աննկատ են մնացել։ Այս վայրերը պետք է վերականգնվեն։ Պետք է արագացնել Վանի պատմական վայրերը պահպանելու և գովազդելու ջանքերը»։

«Վանը չի սահմանափակվի ներքին զբոսաշրջությամբ»

Ընդգծելով, որ Վանը չպետք է սահմանափակվի միայն ներքին զբոսաշրջությամբ, Քյութուքօղլուն ասաց. «Վանի պատմական վայրեր այցելուների հոսքը աշխուժացնում է ոչ միայն Վանի տնտեսությունը, այլև տարածաշրջանային տնտեսությունը։ Զբոսաշրջությունը ստեղծում և նպաստում է տնտեսական կենսունակությանը բազմաթիվ ոլորտներում՝ հյուրանոցների կառավարումից մինչև ռեստորաններ, տրանսպորտի ոլորտից մինչև հուշանվերներ վաճառք: Վան զբոսաշրջիկների հոսքը, հատկապես ամռան ամիսներին, մեծապես օգուտ է բերում տեղի բնակիչներին։ Վանը պետք է կարևոր քայլեր ձեռնարկի իր պատմական հարստությունները խթանելու և զբոսաշրջության ոլորտն ընդլայնելու համար։ Վանը չպետք է սահմանափակվի միայն ներքին զբոսաշրջությամբ. Վանը մի նահանգ է, որն ունի օտարերկրյա զբոսաշրջիկների, ինչպես նաև տեղացի զբոսաշրջիկների ուշադրությունը գրավելու ներուժ: Այդ իսկ պատճառով պետք է ավելի շատ խթանման և մարքեթինգային ջանքեր գործադրվեն»:

Ֆաթմա Նուր Փոլաթջան-Զենյուն Յեշիլ

https://www.sehrivangazetesi.com/vanin-tarihi-guzellikleri-ziyaretci-rekoru-kirdi

Թարգմանեց Տիգրան Չանդոյանը