Պուտինի խորամանկ քայլը

Արդեն հայտնել ենք, որ ՌԴ նախագահ Վլադիմիր Պուտինը դիմել է ՌԴ Դաշնային խորհրդին՝ Ուկրաինայում  ռուսական զորքի կիրառումը թույլատրող որոշումը չեղյալ համարելու առաջարկով: 

Ведомости-ն, սակայն, գրում է, որ անգամ Դաշնային խորհրդի համաձայնության դեպքում Պուտինը  չի զրկվի Ուկրաինա զորքեր մտցնելու իրավունքից:

Բանն այն է, որ Ռուսաստանում մինչ օրս գործում է թույլտվություն, որը Դաշնային խորհուրդը 2009-ին տվել էր Դմիտրի Մեդվեդևին: Այդ ժամանակ Մեդվեդևը, ով երկրի նախագահն էր, ստացել է «սահմաններից դուրս զինված ուժերն օպերատիվ օգտագործելու անժամկետ իրավունք»:

Պաշտպանության նախարարությանը մոտ կանգնած աղբյուրի խոսքերով՝ այդ թույլտվությունը շարունակում է գործել, այն վերանայելու առաջարկ չի եղել: