Հայաստանը խորամանկ ֆուտբոլ է խաղում. Դիկ Ադվոկատ

Հայաստանը շատ վստահ հավաքական է, մարտական ոգի ունի և խորամանկ ֆուտբոլ է խաղում. լրագրողների հետ հանդիպման ժամանակ ասաց Ռուսաստանի հավաքականի գլխավոր մարզիչ Դիկ Ադվոկատը:

«Այս ընտրական փուլում Հայաստանը մեկ խաղ է անցկացրել արտասահմանում, մնացած խաղերում հանդես է եկել սեփական հարկի տակ: Կարծում եմ՝ սեփական հարկի տակ նրանք վստահ կխաղան: Վաղվա հանդիպումն արդեն ընտրական է, և անհաջողությունը ոչ մի արդարացում չի ունենա»,- նշեց նա:

Հարցին, թե կգոհացնի՞, արդյոք, ոչ ոքի արդյունքը, Ադվոկատը պատասխանեց. «Ես չեմ սիրում խոսել եթե-ներով: Վաղը խաղից հետո ես կարող եմ ասել,` գո՞հ եմ ոչ ոքիից, թե՞ ոչ. «Եթե վաղը մենք հաղթենք 2:1 հաշվով, ապա ես անչափ գոհ կլինեմ»:

Ռուսաստանի հավաքականի մարզիչը նշեց, որ Ռուսաստանի հավաքականի հիմնական դարպասապահը կրկին Իգոր Ակինֆեևն է: Մարզիչը խոսեց նաև երկրորդ դարպասապահի՝ Մալոֆեևի մասին. «Մալոֆեևի հետ մեկ շաբաթ առաջ եմ խոսել: Նա ասաց, որ ցանկանում է լինել հավաքականի հետ: Նա իսկական պրոֆեսիոնալ է»: