Ողբերգական ավտովթար` Լոռիում. 2 զոհ, 8 վիրավոր

Այսօր ողբերգական ավտովթար է տեղի ունեցել Լոռու մարզում: Ժամը 18:00-ի սահմաններում Սպիտակ-Գյումրի ավտոճանապարհին բախվել են ՎԱԶ 2107 և ՎԱԶ 2106 մակնիշի ավտոմեքենաները:

Վթարի վայրից  ֆոտոլրագրող Գագիկ Շամշյանը հայտնում է, որ վթարի հետևանքով 2 հոգի մահացել է, 8 հոգի մարմնական վնասվածքներով տեղափոխվել Սպիտակի բժշկական կենտրոն:

Մահացածներից մեկը 45-50 տարեկան տղամարդ է, մյուսը կին է:

Մահացածներին և վիրավորներին ավտոմեքենաներից դուրս են բերել քաղաքացիները: Այնուհետև օպերատիվորեն վթարի վայր ժամանած Սպիտակի հրշեջ փրկարարական ջոկատն ու շտապօգնության բժիշկները նրանց տեղափոխել են հիվանդանոց:

Հարուցվել է քրեական գործ` Քրեական օրենսգրքի 242 հոդվածի 3-րդ մասի հատկանիշներով:

Մանրամասները` սկզբնաղբյուր կայքում: