Աշխարհահռչակ մաթեմատիկոսներն իրենց մրցանակը նվիրաբերել են Սևան Նիշանյանի գյուղին

Շիրինջեի Մաթեմատիկայի գյուղը, որը Թուրքիայի կառավարությունը փորձում է վերացնել, և որի կառուցման համար հայազգի մտավորական Սևան Նիշանյանն այժմ գտնվում է բանտում, հայտնվել է աշխարահռչակ մաթեմատիկոսների ուշադրության կենտրոնում. հայտնում է Taraf-ը:

Հայտնի մաթեմատիկոսները Սևանի մտերիմ ընկեր՝ մաթեմատիկոս Ալի Նեսինին խոստացել են իրենց ստացած` բարձր հեղինակություն վայելող մաթեմատիկական  «Karp» մրցույթի մրցանակը նվիրաբերել Մաթեմատիկայի գյուղին: Նրանք Նեսինին հայտնել են նաև, որ թեև չեն կարողացել այցելել գյուղ, սակայն մեծ երանությամբ են հետևում նրա աշխատանքներին:

Նշենք, որ Ալի Նեսինը Թուրքիայում հայտնի մաթեմատիկոս է, ով Սևանի բանտարկությունից հետո շարունակում է նրա գործը: