Սևան Նիշանյանի աննախադեպ լուսանկարը՝ թուրքական ամսագրի շապիկին

 Թուրքիայում «ապօրինի շինություններ կառուցելու» և «կնիք կեղծելու» մեղադրանքով 11 տարով բանտարկված պոլսահայ հայտնի լեզվաբան Սևան Նիշանյանն իր ֆեյսբուքյան էջում աննախադեպ լուսանկար է հրապարակել:

Լուսանկարում Նիշանյանը թուրքական Nokta ամսագրի սեպտեմբերյան համարի շապիկին է՝ մի ձեռքին գինու բաժակ, մյուս ձեռքով հայհոյանքի նշան է ցույց տալիս և ասում.«Պետությունը չի կարող փչացնել իմ տրամադրությունը»:

Հիշեցնենք , որ վերոնշյալ ամսագրի շապիկին էր հայտնվել Թուրքիայի նախագահ Ռեջեփ Թայիփ Էրդողանի ֆոտոշոպով պատրաստված լուսանկարը, որում նա իբր սելֆի է անում զոհվածների դագաղների ֆոնին:

Նշենք նաև, որ սեպտեմբերի 12-ին Նիշանյանը 7 օրով ազատ էր արձակվել: Նրա ֆեյսբուքյան էջը ղեկավարվում է նրա մտերիմ ընկերոջ, մաթեմատիկոս Ալի Նեսինի կողմից: Հավանաբար, այս լուսանկարը ևս նա է հրապարակել: