ՀՀԿ-ական պատգամավորները ներողություն են խնդրում Շուշան Պետրոսյանի պահվածքի համար

ԱԺ-ում հավատարմագրված լրագրողները վրդովված են ԱԺ ՀՀԿ խմբակցության պատգամավոր Շուշան Պետրոսյանի արտահայտություններից և պատրաստվում են նրանից բացատրություն պահանջել:

Նշենք, որ այսօր ԱԺ միջանցքում, ի պատասխան լրագրողներից մեկի հարցի, Շուշան Պետրոսյանը հայտարարել է. «Դուք` բոլորդ անբարոյական եք»: Լրագրողն ընդամենը ցանկացել է գնահատական լսել «Վերնիսաժ»-ում տեղի ունեցած կրակոցների եւ երկրում ստեղծված անպատժելիության մթնոլորտի վերաբերյալ:

Այդ տհաճ միջադեպի համար լրագրողներից արդեն ներողություն են խնդրել Շուշան Պետրոսյանի կուսակցական գործընկերները` Հովհաննես Սահակյանը, Վահրամ Բաղդասարյանը, Մարգարիտ Եսայանը, Գագիկ Մելիքյանը: