Շուշան Սարդարյանը լրագրողներից ներողություն է խնդրում

ՀՀ նախագահի թեկնածու Սերժ Սարգսյանի նախընտրական շտաբի մամուլի պատասխանատու Շուշան Սարդարյանը հանդես է եկել հայտարարությամբ` հայցելով լրագրողների ներողամտությունը:

Հայտարարության մեջ ասված է.

«Հարգելի' լրագրողներ

Նախընտրական արշավի առաջին օրը ցույց տվեց լրագրողների աննախադեպ ակտիվություն մեր թեկնածուի հանդիպումների նկատմամբ: Դա դահլիճային հանդիպման ձևաչափի պայմաններում տարածքային սահմանափակումների առումով որոշակի կազմակերպչական խնդիրներ առաջացրեց: Մենք հայցում ենք լրագրողների ներողամտությունը ստեղծված անհարմարությունների համար և վստահեցնում, որ քարոզարշավը լուսաբանող բոլոր լրատվամիջոցների համար ապահովելու ենք հավասար պայմաններ՝ սահմանափակ տարածքներում ռոտացիոն սկզբունքով, հրապարակային հանդիպումների ժամանակ՝ բոլոր ցանկացողների միաժամանակյա ներկայությունը ապահովելով:

Կրկին հայցում եմ Ձեր ներողամտությունը»:

Հիշեցնենք, որ երեկ Yerkir.am-ի լրագրողին թույլ չեն տվել մտնել Ավանի մշակույթի տուն, որտեղ պետք է լիներ ՀՀ նախագահ, նախագահի թեկնածու Սերժ Սարգսյանի ելույթը` պատճառաբանելով, որ դահլիճը փոքր է: