Շուշան Պետրոսյանի մոտ առկա են ուղեղի ցնցում, գանգուղեղային վնասվածքներ

Արդեն տեղեկացրել ենք, որ վթարի է ենթարկվել երգչուհի, ԱԺ պատգամավոր Շուշան Պետրոսյանը:

Yerkir.am-ին ՀՀ առողջապահության նախարարությունից տեղեկացրին, որ Պետրոսյանին տեղափոխել են «Նաիրի» բժշկական կենտրոն: Նա գտնվում է վերակենդանացման բաժանմունքում, առողջական վիճակը կայուն է: «Պետրոսյանի վիճակը ծանր չէ: Ուղղակի անվտանգության կանոններից ելնելով` այժմ վերակենդանացման բաժանմունքում է` բժիշկների հսկողության ներքո: Նրա մոտ առկա է ուղեղի ցնցում, գանգուղեղային վնասվածք»,- ասացին մեզ:

Ի դեպ, ավտովթարից հետո 2 հոգի նույնպես տեղափոխվել են «Նաիրի» բժշկական կենտրոն: Բբուժզննում անցնելուց հետո նրանք դուրս են գրվել: Ավտովթարից տուժած մեկ անձ էլ տեղափոխվել է Առաջին համալսարանական հիվանդանոց եւ նույնպես` բուժզննում անցնելուց հետո դուրս է գրվել: