Աշխարհի ամենատարեց տղամարդը 111 տարեկան է

Մոլորակի ամենատարեց տղամարդը դարձել է 111 տարեկան: Այս մասին հայտնում է dni.ru-ն՝ նշելով, որ ԳՈւԼԱԳ-ում բանտարկությանը դիմակայած Ալեքսանդր Իմիչը գլխավորել է ամենաերկարակյացների ցուցակը նախորդ ռեկորդակիր Արթուրո Լիկատեի վախճանվելուց հետո:

Իմիչը Լեհաստանից ԱՄՆ է արտագաղթել 1951 թ.: Նա վերապրել է խորհրդային-լեհական պատերազմը, Հոլոքոստը և ողջ մնացել խորհրդային համակենտրոնացման ճամբարում: Երկարակյաց տղամարդը վստահեցնում է, որ երբեք չի երազել կամ նպատակ ունեցել այդքան ապրել:

ԳՈւԼԱԳ-ի նախկին դատապարտյալ Իմիչն 92 տարեկանում գիրք է գրել և որոշել սովորել համակարգիչային հմտություններ, ինչի վրա, իր խոսքով, շատ ժամանակ է ծախսել:

Իր երկարակեցության գաղտնիք Իմիչը համարում է լավ գեները և համեմատաբար ճիշտ կենսակերպը: Նա երբեք չի գործածել ալկոհոլ և ծխելուց հրաժարվել է շատ տարիներ առաջ: Երիտասարդ ժամանակ Իմիչը զբաղվել է մամնամարզությամբ ու լողով:

Իմիչը երազել է դառնալ լեհական նավատորմի կապիտան, սական հրեական ծագումը ստիպել է ուղղում մտցնել կյանքի ծրագրերի մեջ, և տղամարդն ընտրել է կենդանաբանի մասնագիտությունը:

Թեև Իմիչը երկու անգամ ամուսնացել է, բայց երեխաներ չունի: Նրա ամենամոտ բարեկամը 84-ամյա զարմիկն է: