Փարիզյան բնակարանից 111 կգ կոկաին են առգրավել

Ֆրանսիական ոստիկանությունը նոյեմբերի 27-ին Փարիզի ծայրամասերում գտնվող շքեղ բնակարանից 111 կգ կոկաին է բռանգրավել:

Դեպքի հետ կապված չորս հոգի են ձերբակալվել` երկու ֆրանսիացի, մեկ իրանցի և  մեկ  վենեսուելացի: Փարիզի ոստիկանապետ Քրիստիան Ֆլեշը նման խոշոր բռնագրավման գտնվելու վայրն անսովոր է անվանել:

«Իսկապես որ, բացառիկ է սա բնակարանում գտնելը: Սովորաբար այն պահեստներում կամ նավերում է լինում, բայց ոչ բնակարանում»,- ասել է նա:

Բնակարանը սաուդյան ընտանիքի է պատկանում, և ոստիկանության կարծիքով՝ կասկածյալներն ապօրինաբար բնակարանի բանալի են ձեռք բերել՝ տարածքը որպես անվտանգ տուն կամ տարածման կետ օգտագործելու համար: