Բրիտանիայում մահացել է աշխարհի ամենատարեց տղամարդը

Կյանքի 113-րդ տարում Մեծ Բրիտանիայում մահացել է աշխարհի ամենատարեց տղամարդը՝ Ռոբերտ Ուեյթոնը. այս մասին հայտնում է The Sun-ը՝ մահացածի ընտանիքին հղումով։ 

Նշվում է՝ Ուեյթոնը մահացել է Հեմփշիր կոմսության Օլթոն քաղաքում, թոքերի քաղցկեղից։ 1908 թվականին ծնված տղամարդը 112-ամյակը նշել է 2020 թվականի մարտի 29-ին, առանց ընտանիքի՝ պայմանավորված կորոնավիրուսային պանդեմիայով։

Նա ամուսնացել է 1937 թվականին, ունեցել 2 որդի և 1 դուստր։ 10 թոռների ու 25 ծոռների պապ էր։ Երկարակյացն աշխատել է որպես ինժեներ և ուսուցիչ, վերապրել երկու համախարահային պատերազմներ։

Նրա մահից հետո տիտղոսին հավակնում են 111-ամյա ռումինացի Դումիտրու Կոմանսեկուն և իսպանացի Սատուրնինո դե լա Ֆուենտեն, ով լույս աշխարհ է եկել 1909 թվականի փետրվարի 8-ին։

Մոլորակի ամենատարեց բնակչուհին 117-ամյա ճապոնուհի Կանե Տանական է։