Գագիկ Ծառուկյանը բնակարան է նվիրել, Ռուբեն Հայրապետյանը՝ ավտոմեքենա

«Ապրիլի 29-ին Երևանի նախկին ոստիկանապետ Ներսիկ Նազարյանի դստեր և ԲՀԿ-ական Աբրահամ Մանուկյանի որդու հարսանյաց հանդեսին Սերժ Սարգսյանը չի մասնակցել։ Որոշ տեղեկություններով, նա առանձնապես դժգոհ է Գագիկ Ծառուկյանից, և դա է եղել հարսանիք չգնալու պատճառը»,–գրում է «Հրապարակ» թերթը և հավելում, որ Ծառուկյանը նորապսակներին տուն է նվիրել՝ իր էլիտար շենքերից մեկում։

Ըստ թերթի աղբյուրի` Ծառուկյանը նման բնակարաններ շատ ունի, որոնք չեն վաճառվում, և էլիտար հարսանիքների դեպքում նա դրանք նվիրում է։ Ըստ նույն աղբյուրի` Ծառուկյանը միայն շատ մերձավոր կուսակիցներին է բնակարաններ նվիրում, մյուսներին առաջարկում է մատչելի գներով, և «երբ ուզեն՝ փակվեն»։

Հարսանիքին չի մասնակցել նաև Ներսիկի քավոր Ռուբեն Հայրապետյանը, որը, սակայն, ավտոմեքենա է նվիրել սանուհուն։