Քրեակատարողական վարչության նախկին պետին դատապարտեցին 12 տարվա ազատազրկման

«Փաստինֆո»-ն հայտնում է, որ Սամվել Հովհաննիսյանը, ով 2001-2006 թթ. պաշտոնավարել է որպես ՀՀ արդարադատության նախարարության քրեակատարողական վարչության պետ, դատարանի՝ այսօր հրապարակած դատավճռով դատապարտվեց 12 տարվա ազատազրկման:

Երևանի Արաբկիր և Քանաքեռ-Զեյթուն վարչական շրջանների դատարանը՝ դատավոր Արմեն Խաչատրյանի նախագահությամբ, Սամվել Հովհաննիսյանին անպարտ ու դատարանով արդարացված ճանաչեց ՀՀ քրեական օրենսգրքի 38-35-104-րդ հոդվածի 2-րդ մասի 7-րդ կետով՝ մի խումբ անձանց կամ կազմակերպված խմբի կողմից սպանության նախապատրաստությունը կազմակերպելը՝ հանցակազմի բացակայության պատճառաբանությամբ:

Իսկ ՀՀ քրեական օրենսգրքի 38-35-104-րդ հոդվածի 2-րդ մասի 8-րդ կետով՝ շահադիտական դրդումներով, պատվերով սպանության նախապատրաստությունը կազմակերպելը, ինչպես նաև ՀՀ քրեական օրենսգրքի 178-րդ հոդվածի 3-րդ մասի 1-ին կետով՝ առանձնապես խոշոր չափերի խարդախություն, Սամվել Հովհաննիսյանը մեղավոր ճանաչվեց և, ընդհանուր առմամբ, դատապարտվեց 12 տարվա ազատազրկման:

Խարդախության դրվագով`  հօգուտ երկու տուժողների Ս.Հովհաննիսյանից պետք է բռնագանձվի շուրջ 42 մլն դրամ:

Հիշեցնենք, որ մեղադրող կողմը միջնորդել էր Ս.Հովհաննիսյանին դատապարտել 14 տարվա ազատազրկման:

Մանրամասները` սկզբնաղբյուր կայքում: