Արդարադատության նորանշանակ նախարարը իր տպավորություններն է ներկայացրել «Ֆեյսբուք»-ում

Արդեն տեղեկացրել ենք, որ արդարադատության նախարար է նշանակվել Վրաստանում ՀՀ նախկին դեսպան Հովհաննես Մանուկյանը: Առաջին բանը, որ նա արել է, «Ֆեյսբուք»-ում ներկայացրել է իր տպավորությունները:

«Մեծ պատիվ էր ներկայացնել իմ երկիրը բարեկամ Վրաստանում: Շնորհակալ եմ երկրի Նախագահին նման վստահության համար: Ուրախ եմ, որ հնարավորություն եմ ունեցել աշխատել այնպիսի բարձր կարգի պրոֆեսիոնալի հետ, ինչպիսին ՀՀ արտգործնախարար Էդվարդ Նալբանդյանն է:

Շատ եմ կարևորում փորձառությունը, որ ստացա դիվանագիտական գործունեության ընթացքում և մասնագիտական ու անձնային շփումները, որ ունեցա դիվանագիտական ոլորտում աշխատող իմ գործընկերների հետ: Գնահատում եմ և շնորհակալությունս եմ հայտնում Վրաստանում ՀՀ դեսպանության դիվանագիտական կազմին և աշխատակազմին անցած ավելի քան երեք տարիների համատեղ աշխատանքի համար»,- գրել է նա: