Բռնցքամարտ. Անուշ Գրիգորյանը դուրս եկավ եզրափակիչ

Բուլղարիայի մայրաքաղաք Սոֆիայում ընթացող` բռնցքամարտի երիտասարդների աշխարհի առաջնությունում Հայաստանն արդեն ունի եզրափակիչի մասնակից: 48-51 կգ քաշային կարգում հանդես եկող Անուշ Գրիգորյանը կիսաեզրափակիչում փայլուն հաղթանակ տոնեց Ղազախստանը ներկայացնող Ալուա Բալկիբեկովայի նկատմամբ և դուրս եկավ եզրափակիչ: Ի դեպ, հայ մարզուհին մրցակցին հաղթեց բացահայտ առավելությամբ:

Կիսաեզրափակիչ մյուս զույգում Իտալիան ներկայացնող Իրմա Տեստան առավելության հասավ թուրք Նարիման Իստիկի նկատմամբ և մեր մարզուհու հետ կպայքարի ոսկե մեդալի համար:

Երեկոյան ռինգ դուրս կգա նաև 81 կգ քաշային Նարեկ Մանասյանը: Նա կմենամարտի բուլղարացի Բլագով Նայդենովի հետ: