«Պարալլելսի» պարզաբանումը` ինչո՞ւ է անվստահություն հայտնել «Հայակ»-ին

Օրերս «Կիսալուսնի ծովածոցը» ֆիլմի պրոդյուսեր Հովհաննես Գալստյանը ռեժիսոր Մարինե Զաքարյանի` Վիլյամ Սարոյանի նովելների մոտիվներով նկարահանված «Կիսալուսնի ծովածոցը» ֆիլմը Ազգային կինոյի «Հայակ 2014» մրցանակաբաշխությանը ներկայացված ֆիլմերի ցանկից հետ է կանչել եւ անվստահություն հայտնել ժյուրիին: Որպես պատճառ` Գալստյանը մի շարք կետեր է նշել.

«Ա. Ժյուրիի կազմում բացակայում են Ա կարգի կինոփառատոներին մասնակցած և միջազգային ճանաչում ունեցող ռեժիսորներ:

Բ. Ժյուրիի կազմում չկա օպերատոր:

Գ. Ժյուրիի կազմում չկա հնչունային ռեժիսոր:

Դ. Ժյուրիի կազմում չկա մոնտաժի, գունաբաժանման մասնագետ:

Ե. Ժյուրիի կազմում չկա գրիմի, հագուստների մասնագետ:

Զ. Ժյուրիի կազմում չկա լույսի, հատուկ էֆեկտների մասնագետ:

Է. Պրոդյուսեր, դերասան/ուհի մասնագիտությունները ժյուրիում ներկայացնում է մեկ անձ:

Ը. Ազգային կինոմրցանակաբաշխություններում ներկայացված ֆիլմերը նոմինացվելուց առաջ պետք է հայտնի լինեն հանդիսատեսին:

Թ. Ազգային մրցանակաբաշխության կազմակերպիչը չի կարող նոմինացվել` ժյուրիի վրա ճնշումները բացառելու նպատակով, սակայն նոմինացված է:

Ժ. Լավագույն Կոմպոզիտոր անվանակարգում ոչ մի ֆիլմ նոմինացված չէ»:

Ի դեպ, «Պարալլելս ֆիլմ» կինոարտադրության ֆիլմերը երկու տարի «Հայակ»-ում գլխավոր մրցանակի են արժանացել: Yerkir.am-ի հետ զրույցում Հայաստանի ազգային կինոկենտրոնից տեղեկացրին, որ բարձրացված հարցին փառատոնի կազմակերպիչները կանդրադառնան մրցանակաբաշխությունից հետո: