Փաստաբանական դպրոցի տնօրենը` իր հրաժարականի մասին

Ժամեր առաջ Փաստաբանական դպրոցի տնօրեն Նիկոլայ Բաղդասարյանը հրաժարականի դիմում է ներկայացրել: Այդ տեղեկությունը yerkir.am-ի հետ զրույցում հաստատեց Փաստաբանների պալատի մամլո խոսնակ Հայկ Հակոբյանը:

Yerkir.am-ի հետ զրույցում Նիկոլայ Բաղդասարյանը նշեց, որ հրաժարական է ներկայացրել այլ աշխատանքի անցնելու նպատակով:

Նշենք, որ,   Panorama.am-ի տեղեկություններով, Փաստաբանների դպրոցում վերջերս աուդիտ է անցկացվել, ինչի արդյունքում ֆինանսական չարաշահումներ են հայտնաբերվել, ինչն էլ, ըստ երևույթին պատճառ է եղել, որ Նիկոլայ Բաղդասարյանի տնօրենի պաշտոնից հրաժարական ներկայացնի:

Մեզ հետ զրույցում, սակայն, Բաղդասարյանը հերքեց այս տեղեկությունը` նշելով, որ ֆինանսական աուդիտ անցկացվել է մոտ մեկ ամիս առաջ,  արդյունքները հրապարակել են, և որևէ խախտում չի հայտնաբերվել: Նա նաև նշեց, որ դպրոցում կշարունակի մնալ` որպես ծրագրի ղեկավար: