Իրավիճակը Դոնեցկում ավելի է սրվել. Տուրչինովը արտահերթ նիստ է հրավիրել

Դոնեցկի շրջանի արդեն 3 քաղաքում իրավիճակն անհանգիստ է. երեկոյան հայտարարել է Ուկրաինայի ՆԳՆ ղեկավար  Արսեն Ավակովը. հայտնում է regnum.ru-ն:

«Կրամատորսկում զինված անձինք փորձում են գրավել շրջանային վարչության կենտրոնը: Ոստիկանությունը հակահարված է տալիս, փոխհրաձգություն է սկսվել: Սլավյանսկում ոչնչացվել են բջջային կապի աշտարակը, շրջափակվել  ոստիկանության եւ Ուկրաինայի անվտանգության ծառայության շրջանային կառույցները»,- տեղեկացրել է Ավակովը:

Հաղորդվում է նաև, որ Ուկրաինայի ժամանակավոր նախագահ  Ալեքսանդր Տուրչինովը հրավիրել է Ազգային անվտանգության խորհրդի արտահերթ նիստ` արևելյան Ուկրաինայում իրավիճակը քննարկելու համար: