ՄԱԿ-ը զորք կմտցնի՞ Արևելյան Ուկրաինա. Տուրչինովը հայտարարել է հակաահաբեկչական գործողության մասին

Ուկրաինան կողմ է ՄԱԿ-ի խաղաղապահ ուժերի հետ համատեղ հակաահաբեկչական օպերացիա անցկացնելուն երկրի արևելքում. հայտնում է РБК-ն: Այդ  մասին ՄԱԿ-ի գլխավոր քարտուղար Պան Գի Մունի հետ հեռախոսազրույցում ասել է Ուկրաինայի նախագահի պաշտոնակատար Ալեքսանդր Տուրչինովը։ Տուրչինովը նաև հաստատել է Ուկրաինայի Ազգային անվտանգության ծառայության` ալրիլի 13-ի որոշումը. Ուկրաինայի արևելյան հատվածում ռազմական գործողութոյւն կսկսվի:

«Մենք դեմ չենք և ողջունում ենք երկրի արևելյան մասում ձեր օգնությամբ համատեղ հակաահաբեկչական օպերացիայի անցկացումը։ Այդ դեպքում մասնագետներն ու դիտորդները կկարողանան անձամբ հաստատել մեր գործողությունների լեգիտիմությունը»,- ասել է նա:

Պան Գի Մունը, իր հերթին,  ասել է, որ Ուկրաինան կարող է լիովին հույս դնել ՄԱԿ-ի վրա՝ որպես գործընկերոջ։