Լեզվին ու ձեռքերին ազատություն տվող պաշտոնյաները պետք է պատժվեն

Երեկ Մարդու իրավունքների պաշտպանը հրապարակել էր մի ձայնագրություն, որն արվել էր 32-ամյա քաղաքացի Արման Գասպարյանի կողմից:

Արմանը պատմել է, որ մարտի 24-ին` ժամը 13:00-ի սահմաններում, իր մեքենայով ընկերոջը տարել է արդարադատության նախարարության այլընտրանքային պատիժների կատարման շենք: Կառույցի աշխատակիցները ընկերոջն ընդունելուց հետո հրավիրել են նրան սենյակ, որտեղ ներկա են եղել 4-5 համազգեստով անձինք և բռնություն գործադրել նրա հանդեպ: 

Այսօր ՄԻՊ Կարեն Անդրեասյանը լրագրողներին հայտնեց, որ Արմանի կոնտակտները փոխանցվել են Հատուկ քննչական ծառայություն և արդարադատության նախարարություն: Ըստ նրա` Արմանի կողմից նման արարքն արձանագրելն ու հրապարակելը խիզախություն է, քանի որ շատ քիչ են դեպքերը, երբ մարդիկ կարողանում են նման դեպքերը արձանագրել և ապացույցներով խոսել: