Ժամանակն է Էրդողանի հետ նախագահական ընտրությունների մասին խոսել. Գյուլ

Թուրքիայի նախագահ Աբդուլլահ Գյուլը Քուվեյթում պատասխանել է առաջիկա նախագահական ընտրություններում թեկնածության առաջադրման մասին` լրագրողների հարցերին։

Ըստ t24-ի՝ Գյուլն ասել է, որ մինչև ապրիլի վերջը կամ մայիսի սկիզբը հայտնի կդառնա նախագահի թեկնածության հարցը, նաեւ հայտնել, որ այդ մասին պետք է խոսի վարչապետ Ռեջեփ Թայիփ Էրդողանի հետ և հուսով է՝ Էրդողանի որոշման մասին չի իմանա մամուլից։

«Ես պարզ ասում եմ, որ Էրդողանի հանդեպ անակնկալ քայլ չեմ անի, ինքն էլ՝ իմ դեմ։ Նմանատիպ հարցերի մասին մենք խոսում ենք: ՏԻՄմ ընտրությունների պաշտոնական արդյունքների հրապարակումից հետո միայն կարող ենք այդ հարցի շուրջ լուրջ քննարկումներ անել »,- ասել է Գյուլը: