Հենց այս պահին կառավարությունը պետք է հրաժարական տա. Նաիրա Զոհրաբյանի արձագանքը` ՍԴ-ի որոշմանը

Արդեն հայտնել ենք, որ այսօր ՀՀ Սահմանադրական դատարանը հակասահմանադրական և անվավեր ճանաչեց «Պարտադիր կուտակային համակարգի» մասին ՀՀ օրենքի մի շարք հոդվածներ` կառավարությանն ու ԱԺ-ին մինչև սեպտեմբերի 30-ը ժամանակ տալով` օրենքը սահմանադրությանը համապատասխանեցնելու համար:

ԲՀԿ խմբակցության քարտուղար Նաիրա Զոհրաբյանը վճիռը լսելուց հետո հայտարարեց. «Ես կարծում եմ` քաղաքական պատասխանատվություն ունենալու դեպքում հենց այսօր, հենց այս պահին Հայաստանի Հանրապետության կառավարությունը պետք է հրաժարական տա»:

ԱԺ «Ժառանգություն» խմբակցության պատգամավոր Ռուբեն Հակոբյանը դրական գնահատեց որոշումը` նշելով, որ դրա վերաբերյալ կարծիք կարող է հայտնել միայն վճռին մանրամասնորեն ծանոթանալուց հետո:

Նույնն ասաց նաև ԱԺ ՀՅԴ խմբակցության պատագամավոր Արծվիկ Մինասյանը: Yerkir.am-ի հարցին, թե կարելի՞ է գոհացնող համարել ՍԴ-ի որոշումը,  նա պատասխանեց. «Նախնական գնահատականը գոհացուցիչ է»:

Մանրամասն` yerkir.am-ի տեսանյութում: