Տիգրան Ուրիխանյանի եւ Նաիրա Զոհրաբյանի միջեւ սեւ կատու է անցել

«Հրապարակը» գրում է.«Ըստ ԲՀԿ մեր աղբյուրների, մամլո խոսնակ Տիգրան Ուրիխանյանի ակտիվությունն ու ինքնադրսևորումները դուր չեն գալիս «կարկառուն» ԲՀԿ–ական Նաիրա Զոհրաբյանին, ով դե ֆակտո իրականացնում է խոսնակի դերը։

Տիգրան Ուրիխանյանի և Նաիրա Զոհրաբյանի հարաբերությունները հատկապես սրվել են Գագիկ Ծառուկյանին ավելի մոտ գտնվելու պատճառով։ Դե յուրե խոսնակ Ուրիխանյանին Զոհրաբյանը վերջերս սաստել է՝ ցույց տալով նրա տեղը կուսակցությունում, ինչպես նաև ընդգծել իր ով լինելը կուսակցության կյանքում և հայտարարել, որ Ծառուկյանի հետ ուղիղ կապ հաստատելու, նորությունները զեկուցելու և նման հարցեր քննարկելու իրավունք ունի միայն ինքը»։