Մի գերագնահատեք ձեր անձը. Նաիրա Զոհրաբյանի նուրբ ակնարկը

Այսօր բյուջեի նախագծի քննարկման ժամանակ, ելույթ ունենալով ԲՀԿ խմբակցության անունից, խմբակցության քարտուղար Նաիրա Զոհրաբյանը նշեց, որ բյուջեի այդ փաստաթուղթը չի կարող քաղաքացու համար ապահովել բարեկեցիկ ապրելակերպ, որովհետև այն հիմնված է ստի ու ապատեղեկատվության վրա: Նա նշեց, որ ԲՀԿ-ն միաձայն դեմ է քվեարկելու բյուջեի նախագծին, որովհետև այն ներկայացրել է վստահության զրո ռեսուրս ունեցող կառավարությունը:

Պատգամավորի խոսքով` ԲՀԿ-ն ուներ հստակ մշակված տնտեսական ու քաղաքական ծրագիր, որի իրականացումը թույլ կտար հաղթահարել տնտեսության ճգնաժամը, արտագաղթը, կոլապսը: «Մեր բացասական վերաբերմունքը անհատների դեմ չէ, թող այդ անհատները չգերագնահատեն իրենց անձը: Այն լուրերը, թե ԲՀԿ-ն ինչ-ինչ պաշտոնների դիմաց պատրաստ է մաս կազմել իշխող կոալիցիային, դա հերթական ապատեղեկատվությունն է»,- ասաց պատգամավորը: