Օրենքը խտարականություն է դնում անձանց միջև

«Կուտակային կենսաթոշակների մասին»  օրենքը խտրական մոտեցում է ցուցաբերում թե' տարիքային, թե' ֆինանսական տարբեր վիճակներում գտնվող անձանց նկատմամբ. այսօր Սահմանադրական դատարանում ասաց փաստաբան Մերի Խաչատրյանը` ներկայացնելով դիմումատու կողմին, ոը վիճարկում է վերոնշյալ օրենքի սահմանադրականությունը:

Մ. Խաչատրյանը, հղում անելով Սահմանադրությանն ու միջազգային կոնվենցիաների այն հոդվածներին, որոնցով արգելվում է խտրականությունն ու ամրագրում բոլոր անձանց հավասարությունը, նշեց, որ պետության որոշակի գործողությունները սահմանափակվում են հետևյալ նորմերի միջոցով:

Փաստաբանը նշեց, որ ողջամիտ չէ և ոչ իրավաչափ միջամտություն է ենթադրում այն սահմանումը, որ տարբեր երկամուտներ ունեցող անձինք պետք է տարբեր չափի գումարներ վճարեն կուտակային հիմնադրամներ, ինչպեսև պետության կողմից տրվող հատուցումները նույնպես տարբեր են:

Խտրականություն է նաև այն, որ 1974 թվականից հետո ծնված մարդկանց վրա ֆինանսական բեռ է դրվում,  և նրանք անհավասար պայմաններում են հայտնվում  նշված թվականից մեկ օր շուտ ծնված մարդկանցից:

Մյուս կողմից` սահմանափակվում է անձի` իրեն պատկանող սեփականությունը տնօրինելու իրավունքը: Եվ անձինք հայտնվում են վատթար վիճակում, այնինչ` իրավական առումով անձին վատթար վիճակում դնող իրավանորմերը հետադարձ ուժ չունեն:

Իր ելույթը Մ. Խաչատրյանը եզրափակեց Բարձր դատարանին ուղղված խնդրանքով` «Կուտակային կենսաթոշակների մասին»  օրենքի 5 և 7 հոդվածների սահմանադրականությունը քննելը: