ՌԴ-ում Իսրայելի դեսպանատունը հերքում է փակման մասին լուրերը

Մոսկվայում Իսրայելի դեսպանատունը հերքել է Իրանի շուրջ վերջին իրադարձությունների պատճառով աշխատանքների ենթադրյալ դադարեցման մասին տեղեկատվությունը: Այս մասին ՏԱՍՍ-ին հայտնել է Ռուսաստանի Դաշնությունում Իսրայելի դեսպան Սիմոնա Գալպերինը։

Դիվանագետն ընդգծել է, որ Մոսկվայում Իսրայելի դեսպանատունը գործում է սովորականի պես և կշարունակի կատարել իր գործառույթները հանգստյան օրերից հետո։

Ավելի վաղ հայտարարվել էր, թե Մոսկվայում Իսրայելի դեսպանատունը, իբր, հայտարարել է ամբողջ աշխարհում Իսրայելի դիվանագիտական ​​առաքելությունների աշխատանքի դադարեցման մասին՝ իսրայելական բանակի կողմից Իրանի միջուկային օբյեկտներին հասցված հարվածներից հետո։

Հիշեցնենք՝ հունիսի 13-ի գիշերն Իսրայելը հարվածել է Իրանի ռազմավարական օբեյեկտներին՝ թիրախավորելով բալիսթիկ հրթիռների գործարաններ ու ռազմական հրամանատարական կենտրոններ։ Իրանի պետական հեռուստատեսության հաղորդմամբ հարձակման հետևանքով զոհվել են Իրանի բարձրագույն ռազմական ղեկավարության և գիտական ոլորտի առանցքային ներկայացուցիչներ։