Խորհրդարանն ընդունեց մի շարք օրենքներ, այդ թվում` Մարտի 1-ին տուժած անձանց աջակցության մասին օրենքը

ՀՀ խորհրդարանն ընդունեց երեկ առաջին և երկրորդ ընթերցմամբ քննարկված բոլոր նախագծերը։

«Բարգավաճ Հայաստան» խմբակցության կողմից ներկայացված` «Հայաստանի Հանրապետության հարկային օրենսգրքում լրացում կատարելու մասին» օրենքի նախագիծն Ազգային ժողովն առաջին ընթերցմամբ ընդունեց քվեների` 59 կողմ, 18 դեմ և 5 ձեռնպահ հարաբերակցությամբ։

96 կողմ ձայնով ԱԺ-ն ընդունեց «Ապահովագրության և ապահովագրական գործունեության մասին» Հայաստանի Հանրապետության օրենքում լրացումներ կատարելու մասին» օրենքի նախագիծը:

«2008 թվականի մարտի 1-ից 2-ը Երևան քաղաքում տեղի ունեցած իրադարձությունների ժամանակ տուժած անձանց աջակցության մասին» օրենքը երկրորդ ընթերցմամբ և ամբողջությամբ ընդունվեց 104 կողմ քվեներով։ 

«Հայաստանի Հանրապետության Ազգային ժողովի պատգամավորի գործունեության երաշխիքների մասին» օրենքում փոփոխություն կատարելու մասին» նախագիծը առաջին ընթերցմամբ ընդունվեց՝ 102 կողմ, 1 դեմ և 4 ձեռնպահ հարաբերակցությամբ։ 

«Հայաստանի Հանրապետության աշխատանքային օրենսգրքում լրացում կատարելու մասին» օրենքի նախագիծն ընդունվեց ձայների` 93 կողմ, 6 դեմ, 9 ձեռնպահ հարաբերակցությամբ:

«Հայաստանի Հանրապետության ջրային օրենսգրքում լրացում և փոփոխություններ կատարելու մասին» նախագիծն ընդունվեց 110 կողմ քվեներով:

«Լուսավոր Հայաստան» խմբակցության կողմից ներկայացված` «Երևան քաղաքում տեղական ինքնակառավարման մասին» Հայաստանի Հանրապետության օրենքում փոփոխություններ կատարելու մասին օրինագիծն ընդունվեց ձայների` 100 կողմ, 3 դեմ և 4 ձեռնպահ հարաբերակցությամբ: