Երկուսն էլ հայհոյանք չէ. Գալուստ Սահակյանը` «չաթլախի» ու «ղալաթի» մասին

Հրայր Թովմասյանը չի վիրավորել ոչ իշխանական չորս ուժերին: Այս կարծիքին է ԱԺ ՀՀԿ խմբակցության ղեկավար Գալուստ Սահակյանը:

Ըստ նրա` երբեմն-երբեմն քաղաքական դաշտում` առանձնապես լարված իրավիճակներում, նման բառեր օգտագործվում են: Սահակյանը հայտարարեց նաեւ, որ Հ. Թովմասյանը դեռ հանդես կգա նոր պարզաբանումներով: Անդրադառնալով Արմեն Ռուստամյանի` այսօրվա պատասխանին` նա ասաց. «Պատասխանը երկու առումով կոշտ էր, ես չէի անի այդպես, ավելի գրական տերմին կօգտագործեի: Չնայած երկուսն էլ հայհոյանք չէ: Պետք է ոչ թե մեղադրել, թե` դա ինչու է այդպես, այլ դաշտ ստեղծել, որ գրագետ լինի»:

Լրագրողնեը հետաքրքրվեցին` արդյո՞ք ՀՀԿ-ն կդատապարտի նախարարի արտահայտությունը, Սահակյանը պատասխանեց, որ ՀՀԿ-ն ոչ թե դատապարտող, այլ զսպող ուժ է: