Հայհոյանք չի եղել․ առանց հանցագործության հետքի բերել հասցրել են դատարան. փաստաբանը՝ Կաթողիկոսի եղբոր մասին

«Ժամը 16։00-ին կհրապարակվի Գևորգ Ներսիսյանի մասով դատարանի որոշումը»,-այս մասին հայտնեց թաստաբան Արա Զոհրաբյանը՝ ընդգծելով, որ գործով անցնող մյուս մեղադրալի՝ Համբարձում Ներսիսյանի մասով որոշում չկա։

Հիշեցնենք, որ խոսքը վերաբերվում է Կաթողիկոսի եղբորն ու նրա որդուն։  Ըստ փաստաբանի՝ Համբարձումը նոյեմբերի 1-ին ժամը 14:40-ի սահմաններում, իր տան դարպասի դիմաց կանգնած է եղել, իրեն է մոտեցել մի մարդ և առաջարկել է մասնակցել «Հանրապետություն» կուսակցության ժամը 16:00-ի հանդիպմանը: Համբարձումը հրաժարվել է, նշված մարդը փորձել է համոզել, խոսել են, այնուհետև մոտեցել է Համբարձումի հայրը՝ Գևորգ Ներսիսյանը, երեքով խոսել են և խաղաղ բաժանվել: Այս բոլորը տեսագրված է:
 

Նշենք, որ «Հանրապետություն» կուսակցության թեկնածու Հարություն Մկրտչյանը հաղորդում էր ներկայացրել Համբարձում և Գևորգ Ներսիսյաների դեմ՝ նրանց մեղադրելով իրեն հայհոյելու մեջ։