Խաչատրյան պետք է հնչի անընդմեջ, աշխարհի բոլոր համերգասրահներում

Այս տարի Արամ Խաչատրյանի տուն-թանգարանի տանիքը կհիմնանորոգվի: Այս մասին Yerkir.am-ի հետ զրույցում ասաց թանգարանի տնօրեն Արմինե Գրիգորյանը:

Նա տեղեկացրեց, որ վերանորոգվելու են նաեւ համերգասրահը, ցուցասրահները, սակայն թանգարանը շարունակելու է իր բնականոն աշխատանքը եւ բաց է լինելու:

«Արամ Խաչատրյանին, այո, ճանաչում են, ճանաչում են եւ դրսում, բայց մեկ է` ցանկացած մշակույթ, գործիք եւ մշակութային ժառանգություն միշտ էլ քարոզչության կարիք ունի: Վիեննան, թվում է, դասական երաժշտության քարոզչության կարիք չունի, բայց անընդմեջ գովազդում է դասական համերգները: Այնպես որ` Խաչատրյան պետք է հնչի անընդմեջ, աշխարհի բոլոր համերգասրահներում»,- ասաց Գրիգորյանը: