Թալիշում և Մատաղիսում այս տարի Վերջին զանգը չի հնչի

Վաղն Արցախում 1375 12-րդցիներ հրաժեշտ կտան դպրոցին: Այս մասին yerkir.am-ի հետ զրույցում ասաց ԼՂՀ ԿԳ փոխնախարար Միքայել Համբարձումյանը:

Նա տեղեկացրեց, որ դպրոցներում կլինեն միջոցառումներ, ինչպես սովորաբար նշում են, բայց այդ ամենն իրենց հսկողության տակ կլինի, որ ավելորդություններ չլինեն, միջոցառումները լինեն զուսպ:

«Մեր` զսպության կոչն էլ Ստեփանակերտի դպրոցներին է վերաբերում, մնացածներում խնջույք չի էլ լինի: Իսկ Մատաղիսի և Թալիշի դպրոցներում, բնականաբար, չի լինի Վերջին զանգի արարողություն, բայց ուրիշ դպրոցներում այդ երեխաները կմասնակցեն միջոցառմանը: Թալիշի ու Մատաղիսի շրջանավարտներն իրենց ավարտական վկայականը կստանան այն դպրոցներից, որտեղ էլ տեղափոխվել են այս օրերին»,- ասաց Համբարձումյանը:

Նա տեղեկացրեց նաև, որ ԼՂՀ ԿԳՆ-ն օրվա առիթով հանրային որևէ միջոցառում չի կազմակերպել: