Ահա այն անձը, ով մեղադրվում է մոտ մեկ տոննա հերոինի գործով

ՀՀ ՓՊ Հանրային պաշտպանի գրասենյակից yerkir.am-ին  տրամադրել են 927 կգ հերոինի ապօրինի շրջանառության մեջ մեղադրվող` Թուրքիայի քաղաքացի Օսման Մեջեթի Ուղուրլուի լուսանկարը:

Հիշեցնենք, որ հունվարի 17-ին Մեղրիի մաքսատանը Իրանից ՀՀ-ի տարածքով տարանցիկ դեպի Վրաստան ուղևորվող բեռնատարի զննման արդյունքում` հատուկ հարմարեցված թաքստոցում հայտնաբերվել էր առանձնապես խոշոր չափերի`927 կգ հերոին տեսակի թմրամիջոց: Փաստի առթիվ ՀՀ Ազգային անվտանգության ծառայության քննչական վարչությունում հարուցվել է քրեական գործ` ՀՀ քրեական օրենսգրքի 215-րդ հոդվածի 2-րդ մասի հատկանիշներով:

Թուրքիայի քաղաքացու շահերը ներկայացնում է  հանրային պաշտպան Արտակ Գարոյանը:

Ավելի վաղ yerkir.am-ը հայտնել էր, որ Օսման Ուղուրլուն իրեն մեղավոր չի ճանաչում, սակայն կատարած որոշ արարքների համար զղջում է և ներողություն խնդրում հայ ժողովրդից:

Yerkir.am-ը զրուցել էր նաև այս գործով մյուս մեղադրյալի`  բեռնատարի վարորդ, Վրաստանի քաղաքացի Ավթանդիլ Մարտիաշվիլի պաշտպան Գուրգեն Մադոյանի հետ, սակայն նա հրաժարվել էր նախաքննության փուլում որևէ տեղեկություն հայտնել իր պաշտպանյալի վերաբերյալ:

Օսման Ուղուրլուի լուսանկարը` ստորև: