Ռուսաստանը վերջապես արձագանքեց սահմանին տիրող իրավիճակին

ՌԴ ԱԳՆ-ն անհանգստացած է ղարաբաղա-ադրբեջանական շփման գծում իրավիճակի սրմամբ: Այդ մասին ասվում է հայտարարությունում, որը տեղադրված է գերատեսչության պաշտոնական կայքում:

Նշվում է, որ հրադադարի` հաճախակի դարձած խախտումների հետևանքով զինվորներ են զոհվում, հաղորդվում է նաև տուժած խաղաղ բնակիչների մասին:

Լարվածության հետագա մեծացումը անխուսափելիորեն բացասական հետևանք կունենա ԼՂ հիմնահարցի կարգավորման համար: Կարող է լրջորեն բարդանալ 2013-ի նոյեմբերի 19-ին ձեռք բերված պայմանավորածությունների իրականացումը:

ՌԴ ԱԳՆ-ն կոչ է անում հակամարտող կողմերին` լրացուցիչ քայլեր ձեռնարկել՝ ուղղված իրավիճակի կայունացմանը, ինչպես նաև մեխանիզմներ գործի դնել, որոնք կօգնեն ամրապնդել հրադադարի ռեժիմը: