Շվեյցարիայում մեկնարկել է ''Ժնև-2'' համաժողովը (ՈՒՂԻՂ)

Շվեյցարիայի Մոնտրյո քաղաքում մեկնարկել է «Ժնև - 2» միջազգային համաժողովը՝ ուղղված Սիրիայի հակամարտության կարգավորմանը. հայտնում է  Russia Today-ը: Համաժողովին մասնակցում է 39 երկիր, ՄԱԿ-ի գլխավոր քարտուղարը, Արաբական պետությունների լիգայի և Իսլամական համագործակցության կազմակերպության ղեկավարները, Սիրիայի կառավարության և ընդդիմության պատվիրակությունները:

Ուշագրավ է, որ  Հայաստանը չկա Սիրիայի հարցով բանակցությունների մասնակից 39 երկրների թվում: Նշենք, որ այդ հարցին  երեկ անդրադարձել էր ԱԺ «Բարգավաճ Հայաստան» խմբակցության պատգամավոր, նախկին արտգործնախարար Վարդան Օսկանյանը: « Հունվարի 22-ին Սիրիայի հարցով շվեյցարական Մոնտրո քաղաքում տեղի կունենան Ժնև-2 բանակցությունները: Ի լրումն հակամարտող կողմերի՝ բանակցություններին մասնակցում է 39 երկիր: Ուշագրավ է, որ այնտեղ են նաև Սիրիայից աշխարհագրորեն և ոչ միայն աշխարհագրորեն այնպիսի հեռու պետություններ, ինչպիսիք են Մեքսիկան, Լյուքսեմբուրգը, Հարավային Կորեան, Իտալիան, Բրազիլիան: Հայաստանը ցուցակում չկա: Հարց է ծագում՝ ինչո՞ւ»,- գրել է նա իր ֆեյսբուքյան էջում:

Համաժողովին հետևեք ուղիղ միացմամբ: